“ကြွက်သေတစ်ခု၊ အရင်းပြု”
“ကြွက်နားရွက်၊ ၀က်တပ်”
“ကြောင်မရှိ၊ ကြွက်ထ”
“ကြောင်အို၊ ကြွက်မလေး”
“ကြွက်မနိုင်၊ ကျီမီးနဲ့ရှို့” စတဲ့ စကားပုံတွေအများကြီးရှိသလို ညီငယ်၊ ညီမငယ်တို့ အိမ်မှာလည်း
ကြွက်သောင်းကျန်းတွေနဲ့ နဘမ်းလုံးနေရသလားဟင်။ “ကြောင်မရှိ၊ ကြွက်ထ” စကားနဲ့အညီ ကြွက်
အဟန့်လေးဖြစ်အောင်ကြောင်မွေးလိုက်ပေမယ့် နှာခေါင်းရှေ့က ကြွက်ပြေးတာတောင် မသိလိုက်တဲ့
ကြောင်ပျင်းကြီးတွေကရှိသေး။ တခါခါ ကြောင်စာပန်းကန်ထဲ ၀င်စားနေတဲ့ကြွက်ကို စောင့်ကြောင့်က
လေးထိုင်ကြည့်ပြီး ပီတိပွားနေပြန်တဲ့ ဝေသန္တရာကြောင်မျိုးနဲ့တိုးတတ်သေး။ ဘယ်လောက်ဘဲ ကြွက်
ခုတ်တော်တော် ကြောင်မ၀င်နိုင်လောက်တဲ့ ဘီရိုအကြိုအကြားထဲ အသိုက်ဖွဲ့ပြီးကိုက်ဖဲ့တတ်တဲ့ကြွက်
Super တွေကလဲ ဒုနဲ့ဒေး။ အမလေး...... ကိုကိုအမှတ်တရ၀ယ်ပေးထားတဲ့ လက်ပတ်နာရီသားရေ
ကြိုးလေး ကိုက်ဖြတ်ထားလိုက်ပြီ စိတ်မကောင်းလိုက်တာ ကိုကိုရယ်။ ဟိုက်....သွားပြီ ချစ်လေးဝယ်
ပေးထားတဲ့ Handphone Cover ကြွက်ကိုက်ရာကြီးနဲ့ဟ ။
ဒီလိုဖြစ်နေကြတာကို ဖြေရှင်းကြစို့။ ဒီနည်းက ကြွက်အရှင်ကိုကိုင်တွယ်ရမှာမို့ ညီမလေးတို့လုပ်
ဖို့မသင့်တော်လောက်ဘူးထင်ရဲ့။ ဒီတော့ ညီလေးတို့ဘဲ ဗန္ဓုလသွေးအပြည့်မွေးပြီး ကြွက်ထောင်ပုံးမှာ
ခရမ်းချဉ်သီးအမှည့်တလုံးထည့်၊ အရှင်တကောင်ရအောင်ဖမ်းနော်။ အဲဒီကြွက်အရှင်ကို ရေဖျော်ထား
တဲ့ရှိန်းခိုနဲ့ တစ်ကိုယ်လုံးအနှံ့လိမ်းပြီးလွှတ်ပေးလိုက်သိလား။ (၃-၄)ရက်အတွင်းမှာ အထုပ်အပိုးလေး
တွေကိုယ်စီနဲ့ UN ဒုက္ခသည်စခန်းကို အပြီးပြောင်းထွက်ခွာသွားမယ့် ကြွက်တွေကိုတွေ့ကြရမယ်ကွ။
“ကြွက်မနိုင်လို့ ကျီကိုမီးရှို့” စရာလိုသေးလို့လားဟင်။
အင်း ရှင်းပြစရာနဲ့ အကြံပြု စရာလေးကျန်သွားသကွယ်။ ကြွက်တွေဘာကြောင့် ပြောင်းပြေးရ
သလဲဆိုတော့ ဖမ်းမိပြီး ရှိန်းခိုလိမ်းပေးလိုက်တဲ့ ကြွက်ကရလာတဲ့ ရှိန်းခိုအနံ့ကြောင့်ပေါ့။ ဒဲာဒီအနံ့ကို
ကြွက်တွေက မခံနိုင်ဘူးလေ။ အကြံပေးချင်တာကတော့ ကြွက်ထောင်ပုံးထဲက ကြွက်အရှင်ကို ဖမ်းပြီး
ရှိန်းခိုသုတ်ဘို့ အခက်အခဲရှိရင် ဒီလိုလုပ်ပါလား။ အသင့်ဖျော်ထားတဲ့ ရှိန်းခိုအရည်ကို ဆံပင်ညှပ်ဆိုင်
တွေမှာသုံးတဲ့ စပရေးဘူးထဲထည့်ပြီး ကြွက်ထောင်ပုံးထဲမှာတင် ကြွက်ရဲ့တစ်ကိုယ်လုံး ရွှဲရွှဲလေးစိုသွား
အောင် “အတာကူး” ပေးလိုက်ရင် ရတန်ကောင်းရဲ့ထင်။
(နဂါးနိုင်)
No comments:
Post a Comment