သပွတ်ခါးသီးကို ညီငယ်ညီမငယ်တို့တွေ့ဘူးကြဖို့လွယ်မယ်မထင်ဘူး။ တောနယ်တွေမှာ
အလေ့ကျပေါက်တဲ့အပင်ပါ။ အပင်၊အသီး၊အပွင့်တွေဟာ ဟင်းချိုချက်တဲ့အယဉ်သီးနဲ့ချွတ်စွပ်
ဘဲ။ အသီးကိုချိုးဖဲ့ပြီး အတွင်းသားကိုလျှာနဲ့တို့ကြည့်မှသာ အခါးသီး၊အချိုသီးခွဲနိုင်တာကလား။
မှတ်မိနေသေးတယ် တခါကပိန္နဲပင်ပေါ် သပွတ်ပင်တခြုံ တင်သီးခိုင်းလိုက်တယ်။ အသီးထွက်
လို့ ဟင်းချက်လိုက်တော့ အာပါးပါး ခါးလိုက်တာမှ ဆွေမျိုးစာရင်းတောင် ပြန်လုပ်ယူရတယ်။
စိုက်နေကျသပွတ်ချို ဘယ့်နှယ်ဖြစ်ပါလိမ့်လို့အဖြေရှာလိုက်တော့ တွေ့ပါပြီ။ ခြံရဲ့အရှေ့ဘက်
အရပ် တောတန်းအစပ်ကခြံစည်းရိုးမှာ အလေ့ကျတွယ်နေတဲ့ သပွတ်ခါးပင်တွေ။ အပွင့်ဝါ၀ါ
က၀တ်မှုန်တွေ အရှေ့လေစီးကြွချီလာပြီး သပွတ်ချိုကို ၀တ်မှုန်ကူးပေးလိုက်တာကိုး။ ရုပ်ရှင်
သရုပ်ဆောင် ၀တ်မှုန်ရွှေရည် ဆိုတဲ့ကောင်မလေးတော့ ဘယ်လောက်စွမ်းတယ်မသိဘူး။ ခြံ
စည်းရိုးက သပွတ်ခါးဝတ်မှုန်ရဲ့စွမ်းချက်ကတော့ အံ့မခန်းပါဘဲဗျာ။ဒါနဲ့ဘဲ ခြံစည်းရိုးကသပွတ်
ခါးတွေကိုရှင်း၊ ပိန္နဲပင်ပေါ်တင်ထားတဲ့ အချိုပျက်သပွတ်ပင်ကိုပြန်ရှင်းထုတ်၊ အသစ်ပြန်စိုက်
လိုက်မှဘဲ သပွတ်ခါးဇတ်လမ်း တခန်းရပ်သွားတော့တာ။ အဲဒီလို သပွတ်ခါးပင်တွေကို အငြိုး
ကြီးကြီးနဲ့ လိုက်ရှင်းကြလို့လားမသိ ခုဆိုရင်ကိုယ်တို့တောအရပ်မှာတောင် သပွတ်ခါးပင်တွေ
အတော်ရှားသွားပြီဗျာ…။
အင်း…ကိုယ်တို့သာသူ့ကို အငြိုးနဲ့ရှင်းပစ်နေတာ။ သူကတော့ ကိုယ်တို့လူသားတွေကို
ကောင်းကောင်းကြီး အကျိုးပြုနိုင်တယ်ဆိုတာ နောင်မှသိလာရတယ်ဗျာ။ သပွတ်ခါးသီးအစို
မနုမရင့် (၅) လုံးခူး၊ သင့်တော်မယ့်မြေအင်တုံ(ခြေဖ၀ါးနှစ်ဖက်ဝင်ဆန့်နိုင်ရမည်)ထဲ ထည့်ပြီး
ခြေစုံနင်းပေးပါ။ အနဲဆုံး(၁)နာရီကြာအောင် နင်းပေးရပါမယ်။ သပွတ်ခါးနံ့ပြင်းပြင်းတွေ မွှန်
လာပြီး တကိုယ်လုံးချွေးတွေထွက်လာမယ်။ အညောင်းညာအကိုက်အခဲတွေလည်း တဖြေး
ဖြေးပြေလာပါမယ်။ အကြောတွေရဲ့စုရပ်ဖြစ်တဲ့ ခြေဖ၀ါးအောက်ကအကြောတွေပျော့ပျောင်း
လာပါမယ်။ နင်းနေတဲ့အချိန်မှာ လေခဏခဏလည်တတ်တယ်နော်။ ရှက်တတ်ရင် အိပ်ခန်း
ထဲမှာနင်းနော်။ ဒီပုံစံအတိုင်းတနေ့တကြိမ်နဲ့ (၇)ရက်ဆက်တိုက်နင်းပေးရင် လေဖြတ်ခြင်းကို
ကာကွယ်နိုင်ပါတယ်လို့ ပညာရှင်တို့ကဆိုထားကြောင်းပါ။
ညီငယ်၊ညီမငယ်တို့ရေ ငါတို့ကငယ်ပါသေးတယ်။ သက်ကြီးပိုင်းတွေသာ လေဖြတ်တာ
ပါလို့ ယူဆထားရင်မှားမယ်နော်။ ဒီခေတ်ကြီးထဲမှာ (၁၂)နှစ်သား လေဖြတ်ဝေဒနာသည်တစ်
ဦးကို ကိုယ်တွေ့ဖူးခဲ့ပြီနော်။ ညီ၊ညီမတို့ စားသောက်နေရတဲ့ အစားအသောက်တွေရဲ့ ထုတ်
လုပ်မှုစနစ်တွေမှာပြန်ကြည့်ရင် ကင်ဆာနဲ့လေဖြတ်မှာကိုအားပေးတဲ့ပစ္စည်းတွေကို ဘုံးပေါလ
အော ထည့်သုံးပေးထားကြလေရဲ့။ သတိနဲ့စား…..သတိနဲ့စား။
(မှတ်ချက်။ ။ဒီ Post ပါ သပွတ်ခါးသီးဟာ အောက်ပြည်အောက်ရွာက သပွတ်ခါးသီးကို
ညွှန်းဆိုတာဖြစ်ပါတယ်။ အထက်ပိုင်းဒေသတွေမှာ အလုံးသေးသေး၊အမွှေးအနည်းငယ်ပါတဲ့
သပွတ်ခါးတမျိုးရှိသေးတယ်။ သူ့ကိုသုံးမယ်ဆိုရင်တော့ အလုံးသေးတဲ့အတွက် (၂၀-၂၅)လုံး
လောက် ထည့်သုံးရပါလိမ့်မယ်)
(နဂါးနိုင်)
No comments:
Post a Comment