မိုးခါးရေနှင့်
ခွက်ငယ်လေး
♣ ပြာပြာ ၀ါဝါ နီနီ
မျက်ရည်မြစ်ရေ
သောက်သူတွေက
ငါ့ကိုမုန်းကြတယ် ။
♣ ငါက
မျက်ရည်မြစ်မှာ
ဆည်ကာတာ ဆောက်သူကိုး…။
♣ အားမတန် မန်လျော့
အားပျော့သွားသူကိုမှ
ဝိုင်းဟားတတ်သူတွေက
ငါ့ကိုမုန်းကြတယ် ။
♣ ငါက
ပုဆိုးခြုံထဲလက်သီးဆုပ်က
အဃာတ ပါးပြင်းမထောင်ခင်
ကြိုတင်တရားပြ
အဆုပ်ဖြေပေးတတ်တာ
သူတို့က မသိရှာ…။
♣ ပခုံးကျော် ခေါင်းနင်း
ကျော်တက်ခြင်းလုပ်မှ
အောင်မြင်ရတယ်ဆိုသူတွေက
ငါ့ကို မုန်းကြတယ် ။
♣ ငါက
ကြီး၊ တူ၊ ငယ်
ဘယ်လိုဆက်ဆံ
သဘောမှန်လွန်းတာကိုး…တဲ့ ။
♣ ဒီတော့ ငါ့ကို
လိုလိုလားလား
ညီညီညွတ်ညွတ်
သူတို့ပြောလွှတ်တဲ့စကား
မင်းဟာ “အရူးလား” တဲ့…။
(နဂါးနိုင်)
No comments:
Post a Comment